2015 jylǵy 19 naýryz, Astana, Úkimet Úıi
«Atyraý MО́Z-in rekonstrýksııalaý jáne jańǵyrtý» basym jobasy boıynsha sheteldik jumys kúshin tartýǵa kvota belgileý jáne «Atyraý MО́Z-in rekonstrýksııalaý jáne jańǵyrtý» basym jobasyn iske asyrý úshin sheteldik jumys kúshin tartýǵa ruqsat berý sharttaryn bekitý týraly
«Halyqtyń kóshi-qony týraly» 2011 jylǵy 22 shildedegi Qazaqstan Respýblıkasy Zańynyń 8-babyna sáıkes Qazaqstan Respýblıkasynyń Úkimeti qaýly etedi:
1. Osy qaýlyǵa qosymshaǵa sáıkes «Atyraý MО́Z-in rekonstrýksııalaý jáne jańǵyrtý» basym jobasy boıynsha sheteldik jumys kúshin tartýǵa kvota belgilensin.
2. Qosa berilip otyrǵan «Atyraý MО́Z-in rekonstrýksııalaý jáne jańǵyrtý» basym jobasyn iske asyrý úshin sheteldik jumys kúshin tartýǵa ruqsat berý sharttary (ótinish berýshi – «SINOPEC Engineering (Group) Co., Ltd» qazaqstandyq fılıaly) bekitilsin.
3. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2015 jylǵy 19 naýryzdaǵy №147 qaýlysyna qosymsha
«Atyraý MО́Z-in rekonstrýksııalaý jáne jańǵyrtý»
basym jobasy boıynsha sheteldik jumys kúshin tartýǵa arnalǵan kvota
Jobanyń ataýy О́tinish berýshi Iske asyrý orny Iske asyrý merzimi Kvota (adam)
1 2 3 4 5
«Atyraý MО́Z-in rekonstrýksııalaý jáne jańǵyrtý» « SINOPEC Engineering (Group) Co., Ltd» qazaqstandyq fılıaly Atyraý qalasy, Atyraý oblysy 2013 – 2016
jyldar 2015 – 2016
jyldar:
1500
Qazaqstan Respýblıkasy Úkimetiniń
2015 jylǵy 19 naýryzdaǵy №147 qaýlysymen bekitilgen
«Atyraý MО́Z-in rekonstrýksııalaý jáne jańǵyrtý» basym
jobasyn iske asyrý úshin sheteldik jumys kúshin tartýǵa ruqsat berý sharttary
(ótinish berýshi – «SINOPEC Engineering (Group) Co., Ltd» qazaqstandyq fılıaly)
1. Aýmaǵynda basym joba iske asyrylatyn ákimshilik-aýmaqtyq birliktiń ýákiletti organyna jumys berýshi ne ol ýákilettik bergen tulǵa usynatyn sheteldik jumys kúshin tartýǵa arnalǵan ótinishke qosa beriletin qujattarda mynalar qamtylýǵa tıis:
1) tegi, aty, ákesiniń aty (onyń ishinde latyn áripterimen), týǵan kúni, azamattyǵy, pasportynyń (jeke basyn kýálandyratyn qujattyń) nómiri, berilgen kúni jáne bergen organ, turaqty turatyn eli, shyqqan eli, bilimi, eńbek jónindegi ortalyq atqarýshy organ bekitetin Qazaqstan Respýblıkasynda qoldanylatyn basshylar, mamandar jáne basqa da qyzmetshiler laýazymdarynyń biliktilik anyqtamalyǵyna, uıymdardyń basshylary, mamandary men basqa da qyzmetshileri laýazymdarynyń úlgilik biliktilik sıpattamalaryna, júmysshylardyń jumystary men kásipteriniń biryńǵaı tarıftik-biliktilik anyqtamalyǵyna, júmysshylar kásipteriniń tarıftik-biliktilik sıpattamalaryna jáne 01-99 «Kásipter jikteýshisi» Qazaqstan Respýblıkasynyń memlekettik jikteýshisine sáıkes mamandyǵynyń, biliktiliginiń (laýazymynyń) ataýlary kórsetile otyryp, tartylatyn sheteldik qyzmetkerler týraly málimetter;
2) Qazaqstan Respýblıkasynyń kúshine engen halyqaralyq sharttarynda kózdelgen jaǵdaılardy qospaǵanda, Qazaqstan Respýblıkasynyń zańnamasynda belgilengen tártippen zańdastyrylǵan bilimi týraly qujattardyń notarıaldy rastalǵan aýdarmalary (eger qujat memlekettik nemese orys tilinde toltyrylǵan bolsa, kóshirmeleri);
3) qyzmetker buryn jumys istegen jumys berýshiniń resmı blankisinde qyzmetkerdiń eńbek qyzmeti týraly jazbasha rastaýy qosa berilgen qyzmetkerdiń eńbek qyzmeti týraly aqparat (tıisti kásip boıynsha jumys ótili jóninde biliktilik talaptary bolǵan kezde) nemese Qazaqstan Respýblıkasynda tanylatyn ózge de rastaýshy qujattar;
4) basym jobany iske asyrýǵa qatysqanyn kýálandyratyn sharttan notarıaldy rastalǵan úzindi kóshirme nemese salystyrý úshin túpnusqasy usynylǵan kóshirmesi (merdigerlik jáne qosalqy merdigerlik uıymdar úshin).
2. Ýákiletti organnyń jumys berýshilerge sheteldik jumys kúshin tartýǵa ruqsat berýi mynadaı qatynastar saqtalǵan kezde júzege asyrylady:
1) «Atyraý MО́Z-in rekonstrýksııalaý jáne jańǵyrtý» jobasyn iske asyrý úshin Qazaqstan Respýblıkasy azamattarynyń sany bas merdigerlik jáne olardyń qosalqy merdigerlik uıymdaryndaǵy birinshi jáne ekinshi sanatqa jatqyzylatyn qyzmetkerlerdiń tizimdik sanynyń 50%-nan kem bolmaýy tıis;
2) «Atyraý MО́Z-in rekonstrýksııalaý jáne jańǵyrtý» jobasyn iske asyrý úshin Qazaqstan Respýblıkasy azamattarynyń sany bas merdigerlik jáne olardyń qosalqy merdigerlik uıymdaryndaǵy úshinshi jáne tórtinshi sanatqa jatqyzylatyn qyzmetkerlerdiń tizimdik sanynyń 70%-nan kem bolmaýy tıis.
3. Sheteldik qyzmetkerlerdiń elge kirýi «Halyqtyń kóshi-qony týraly» 2011 jylǵy 22 shildedegi Qazaqstan Respýblıkasy Zańynyń 35-babynda kózdelgen sharttar saqtalǵan kezde júzege asyrylady.
4. Sheteldik jumys kúshin tartý «Halyqty jumyspen qamtý týraly» 2001 jylǵy 23 qańtardaǵy Qazaqstan Respýblıkasy Zańynyń 9-baby 2-tarmaǵynyń 2) tarmaqshasy saqtalǵan jaǵdaıda júzege asyrylady.
5. Eńbek naryǵynda usynystar bolǵan jaǵdaıda ýákiletti organ jumys berýshi ókiliniń qatysýymen bos laýazymǵa úmitker qazaqstandyq azamattardyń kandıdatýrasyn qaraıdy. Kezdesý ýaqyty men ornyn ýákiletti organ belgileıdi, bul týraly jumys berýshige jáne tıisti úmitkerge habarlanady.
6. Osy sharttarda rettelmegen sheteldik jumys kúshin tartýdyń ózge de sharttary Qazaqstan Respýblıkasy Úkimetiniń 2012 jylǵy 13 qańtardaǵy №45 qaýlysymen bekitilgen Sheteldik qyzmetkerge jumysqa ornalasýǵa jáne jumys berýshilerge sheteldik jumys kúshin tartýǵa ruqsat berýdiń qaǵıdalary men sharttarynda reglamentteledi.